Makmaster universiteti oltita oziq-ovqat yurak xastaligi xavfini kamaytirishi mumkinligini aniqladi

Makmaster universiteti va Gamilton sogʼliqni saqlash instituti olimlari oltita asosiy oziq-ovqatni yetarli darajada isteʼmol qilmaslik kattalarda yurak-qon tomir kasalliklari xavfini oshirishini aniqladi. Tadqiqot natijalari Makmaster universiteti saytida eʼlon qilingan.

Mualliflar davom etayotgan keng koʼlamli global PURE tadqiqotidan olingan maʼlumotlarni tahlil qildilar. Shunga oʼxshash tadqiqotlardan farqli oʼlaroq, mualliflar ishida yuqori, oʼrta va past daromadli mamlakatlar maʼlumotlari mavjud.

Tadqiqotlar shuni koʼrsatdiki, quyidagi 6 ta mahsulotlarni ratsionga kiritish yurak-qon tomir kasalliklari, jumladan, yurak xuruji va insulьt xavfini sezilarli darajada kamaytiradi:
- meva,
- sabzavot,
- dukkaklilar,
- yongʼoqlar,
- baliq,
- toʼliq sut mahsulotlari.

Olimlar kuniga ikki-uch portsiya meva, ikki-uch portsiya sabzavot, bir portsiya yongʼoq va ikki portsiya sut mahsulotlarini isteʼmol qilishni tavsiya qilishdi. Bundan tashqari, dukkaklilarni haftada uch-toʼrt marta va baliqni ikki-uch marta isteʼmol qilish tavsiya etiladi.

Jahon sogʼliqni saqlash tashkiloti hisob-kitoblariga koʼra, yurak-qon tomir kasalliklari dunyo boʼylab oʼlimning asosiy sababi boʼlib, har yili undan taxminan 17,9 million nafar inson vafot etadi.