Prezident Shavkat Mirziyoev “Muborak Qurbon hayitini nishonlash toʼgʼrisida”gi qarorni imzoladi.

Qarorga koʼra, 2024 yilda Qurbon hayitining birinchi kuni 16 iyun – yakshanbaga toʼgʼri kelishi munosabati bilan yurtimizda 16 iyunь Qurbon hayiti bayrami sifatida nishonlanadi. 

Qurbon hayitining birinchi kuni dam olish kuniga toʼgʼri kelishi munosabati bilan ushbu dam olish kuni 17 iyun – dushanba kuniga koʼchiriladi, 18 iyun – seshanba kuni barcha xodimlar uchun qoʼshimcha dam olish kuni boʼladi.

Mahalliy davlat hokimiyati organlari, masʼul vazirlik va idoralarga muborak Qurbon hayitini xalqimizning milliy anʼana va urf-odatlariga uygʼun holda oʼtkazish uchun tegishli chora-tadbirlarni amalga oshirish, yurtdoshlarimiz uchun muborak Qurbon hayiti kunlarida moʼʼtabar ziyoratgohlar va tarixiy qadamjolarga ziyoratlarni tashkil etish maqsadida qulay sharoit va imkoniyatlar yaratish topshirildi.