Yangiliklar

not found

Qaysi mamlakatlarda shifokorlar va hamshiralar koʼp?

JSSTning soʼnggi maʼlumotlari asosida shakllangan aholining umumiy soni, shuningdek, 1000 nafariga toʼgʼri keladigan shifokorlar, hamshiralar va doyalar soni boʼyicha yetakchi oʼrinda turadigan davlatlarga toʼxtalamiz. Shifokorlar (Bu jadvalda har bir million kishiga toʼgʼri keladigan shifokorlarning umumiy soni boʼyicha yetakchi davlatlar keltirilgan) Soʼnggi 15 yil ichida Xitoy malakali shifokorlar sonini ikki baravarga oshirdi. Chin mamlakati xalq salomatligi tabiiy resurslar va yuqori texnologiyali korxonalar kabi bir xil resurs ekanligini yaxshi biladi.Yalpi ichki mahsuloti tarkibida tibbiyotga sarflanadigan mablagʼlar dunyodagi eng yuqori koʼrsatkichlarga ega boʼlgan АQShda taxminan xuddi shu davrda shifokorlar soni 7,5 foizga oʼsdi.Rossiyada 2010 yildan beri mutaxassislar soni 22 foizga kamaydi. “Rosstat”ning soʼnggi maʼlumotlariga koʼra, umuman olganda, Rossiyada 100 000 aholiga oʼrtacha 506 shifokor va hamshira toʼgʼri keladi. Shifokorlarning taʼmin etilganligi (Bu jadvalda 1000 kishi aholi jon boshiga toʼgʼri keladigan shifokorlar soni boʼyicha yetakchi davlatlar koʼrsatilgan) Tibbiy turizm boʼyicha dunyodagi asosiy markazlardan biri hisoblanadigan Kuba davlati yuqori sifatli va arzon tibbiy xizmatlar koʼrsatish imkoniyatini nafaqat Lotin Аmerikasidagi davlatlarga taqdim etadi, balki ular uchun mafkuraviy jihatdan begona sanaladigan АQShdagi bemorlarni ham oʼziga jalb qiladi.Sobiq sotsialistik blokning yana ikki davlati - Vengriya va Gruziya dunyoning kuchli davlatlar oʼntaligiga kirdi.Rossiya, agar 2010 yilgi darajasini saqlab qolganida, 12-oʼrinni egallagan boʼlardi (koʼrsatkich 1000 kishiga 5,0). Hozirda bu koʼrsatkich 3,8 ni tashkil etadi. Har holda bu son Frantsiya (3,3), Buyuk Britaniya (3,0), АQSh (2,6), Yaponiya (2,5), Kanada (2,4) va Xitoy (2,2) kabi mamlakatlardagidan yuqoriroq.Baʼzi mamlakatlarda, masalan, tugʼilish darajasi eng yuqori boʼlgan Nigerda ushbu koʼrsatkich taxminan 0,1 ga teng. Hamshiralar va akusherlar(Jadvalda bir million kishiga toʼgʼri keladigan hamshiralar va akusherlarning umumiy soni boʼyicha yetakchi davlatlar koʼrsatilgan) Oxirgi 15 yil davomida Xitoyda oʼrta tibbiyot xodimlar soni 3,3 barobarga oshdi. Soʼnggi 8 yillik kuzatuvlar Аmerikada ham hamshiralar va doyalar soni deyarli 30 foizga koʼpayganini aniqlab berdi.Rossiyada eng yuqori choʼqqiga 2014 yilda erishilgan (1,9 million), keyingi dinamika raqamlar 2 martaga pasaygani haqida gapirilmoqda.(1000 aholiga toʼgʼri keladigan hamshiralar va doyalar soni boʼyicha yetakchi davlatlar nisbiy koʼrsatkichi) Xitoyda hozirgi kunda hamshiralar va akusherlar soni 1000 kishi aholiga 3,1 xodimni tashkil qilib, oʼsish davom etyapti.Аgar Rossiya 2014 yilgi raqamni saqlab qolganida edi, oʼzining 13,2 koʼrsatkichi bilan dunyoda 11-oʼrinni egallagan boʼlardi. Biroq, tarix istak maylini bilmaydi va hozirda mamlakat 6,2 darajaga tushdi.Bu nafaqat Yevropa Ittifoqining koʼplab mamlakatlari, balki sobiq SSSRning ayrim respublikalaridan ham past. Masalan, Oʼzbekistonda ming kishi hissasiga 11,3, Belarusda 11,0, Litvada 10,1, Estoniyada 6,6 oʼrta tibbiyot xodimlari toʼgʼri keladi.

  • 16 May, 08:57
  • Batafsil
not found

Sovuqlik zanjiri nima va u qanday ishlaydi?

Dori vositalarini tashish vakolatli, litsenziyaga ega tashkilotlar tomonidan amalga oshiriladi. Tashish jarayonida majburiy shart sovuqlik zanjiri deb ataladigan qoidaga rioya qilishdir. Sovuqlik zanjiri- noyob tizim, jarayondir. U bir vaqtning oʼzida bir nechta asosiy elementlarni oʼz ichiga oladi, ularsiz dori vositalarini tashishni toʼgʼri tashkil etish mumkin emas.  Bular statsionar sovutish moslamalari, transport vositalari, konteynerlar va boshqa yordamchi uskunalardir. Vaktsinalar va boshqa dorilar uchun yaxshi tashkil etilgan sovuqlik zanjir ularni buzilmasdan yetkazib berish imkonini beradi. Farmatsevtika mahsulotlarini tashishda ishlab chiqaruvchi kompaniyaning tavsiyalarini inobatga olgan holda sovuqlik zanjiriga rioya qilinishi kerak. Faqatgina toʼgʼri harorat rejimi bilan dorilarning foydali xususiyatlarini saqlab qolish mumkin. Haddan tashqari muzlash yoki qizib ketish farmatsevtika mahsulotlarining buzilishiga olib keladi. Shuning uchun, faqat zarur jihozlar va malakali xodimlarga ega boʼlgan, ixtisoslashtirilgan, litsenziyaga ega tashkilotlargina dori vositalarini tashish bilan shugʼullanishi mumkin. Ixtisoslashgan kompaniyalarda dori vositalarini tashishda quyidagilar qoʼllaniladi: issiqlik regulyatorlari; sovutish moslamalari; konteynerlar. Barcha jihozlar majburiy tekshiruvdan oʼtadi. Dori-darmonlarni tashish uchun mos ekanligiga ishonch hosil qilish muhimdir. Sovuqlik zanjirida bir necha darajalar va bosqichlar mavjud. Dori vositalari sovuqlik zanjiri asosida: omborxonalarga yetkazib beriladi. farmatsevtika kompaniyalariga qarashli kichik omborlarga tarqatiladi. dorixonalarga yetkazib beriladi. kasalxonalarga va boshqa tibbiy muassasalarga tashiladi. Xulosa qilib aytadigan boʼlsak, dori vositalarini ishlab chiqarishdan tortib, aholiga yetkazilgungacha boʼlgan jarayonda sovuqlik zanjiri juda muhim.    

  • 15 May, 15:31
  • Batafsil
Нажмите на кнопку ниже, чтобы прослушать текст Powered by GSpeech