ЖССТ маълумотларига кўра, юрак-қон томир ва нафас олиш тизими касалликлари дунёда ўлимнинг асосий сабабларидан биридир. Грипп айниқса оғир интоксикация, асоратлар хавфи ва тикланишнинг узоқ муддати туфайли хавфлидир.

ЎРВИнинг оғир шаклларда қон тромблари пайдо бўлиши натижасида инфаркт, инсульт ва юрак етишмовчилиги касалликлари сони ортиши мумкин.

Грипп вируси юрак мушакларига кириб, яллиғланишни, яъни миокардитни (беморларнинг камида 5% да учрайди) келтириб чиқариши мумкин. Оғир миокардит юрак этишмовчилигининг ривожланишига олиб келади, 4 йил ичида ўлим даражаси 50% дан ошади", — дейди Кузбасс соғлиқни сақлаш ва тиббий профилактика маркази бўлими бошлиғи  Татьяна Евтеева.

Ҳомиладор аёллар, мактабгача ёшдаги болалар ва мактаб ўқувчилари, 60 ёшдан ошганлар, сурункали касалликларга чалинган ва иммунитети заиф одамлар, шифокорлар, савдо, таълим муассасалари, хизмат кўрсатиш ва транспорт соҳаси ходимларида касаллик ёки унинг асоратлари ривожланиш хавфи юқори.

Гриппнинг олдини олишнинг асосий чораси иммунизация ёки эмлаш. Вакцинани поликлиникаларда олиш мумкин. Шунингдек, грипп мавсумида ҳимоя усулларидан фойдаланиш тавсия этилади:

- Касаллик белгилари бўлган одамлардан 1,5-2 метр масофани сақланг.

- Агар касал бўлсангиз, уйда қолинг, ЎРВИ билан касалланишнинг кучайиши даврида гавжум жойларга борманг.

- Йўтал ёки аксириш пайтида оғиз ва бурунни бир марта ишлатиладиган рўмолча билан ёпинг, уларни қўллагандан кейин ташлаб юбориш керак.

- Қўлларни тез-тез ювинг. Қўлларни 40-60 сония давомида, яхшиси суюқ совун билан ювиш керак (микроорганизмлар қаттиқ моддаларда қолиши мумкин).

- Қўлларни тозалаш воситалари - антисептикдан фойдаланинг (тавсия этилган концентрация: 80% этанол, 1,45% глицерин, 0,125% водород перикс).

- Ниқоб тақинг. Ниқоб бўшлиқларсиз юзга маҳкам ўрнатилиши керак. Бир мартали ишлатиладиган ниқоб ҳар 2-3 соатда ўзгартирилиши лозим..

- Қўлларингиз билан юзингизга тегинманг. Киши соатига ўртача 25 марта қўли билан юзига тегинади.

- Сиртларни ҳам тозалашни амалга оширинг (айниқса, компьютер клавиатуралари, смартфон экранлари, масофадан бошқариш пультлари, эшик тутқичлари ва бошқалар).

- Соғлом турмуш тарзини олиб боринг, чунки у тананинг инфекцияга чидамлилигини оширади.

Юрак хуружлари кўпинча душанба куни (хавф бошқа кунларга қараганда 33% юқори) ва якшанба куни, энг кам пайшанба куни содир бўлади. Юрак хуружлари ёз ва қишда энг юқори чўққисига чиқади. Ёзнинг жазирама кунларида юрак ўз имкониятлари чегарасида ишлашига тўғри келади, қишда эса миокард инфаркти хавфи ортиши ҳиссий таранглик ва стресс билан боғлиқ.