У ижтимоий тармоқларда Dr.Roxy тахаллуси остида ТikTokда операцияларни жонли трансляция қилгани учун машҳур бўлди. Aммо пластик жарроҳ доктор Грав охир-оқибат тиббий лицензиясидан маҳрум бўлди.

Шу йилнинг ёзида Огайо штати Тиббиёт кенгаши Кетрин Роксан Гравни тиббий стандартларга жавоб бермагани учун икки марта танбеҳ бериб, лицензиясини бутунлай бекор қилди. Комиссия, шунингдек, тиббий муолажаларни жонли эфирга узатиш орқали Грав ўз беморларини ҳаётини хавф остига қўйганини аниқлади.

TikTokда 825 минг обуначига эга бўлган жарроҳ нафақат ўз муолажаларини жонли эфирга узатди, балки операциялар давомида камера орқали томошабинлар билан суҳбатлашди ва уларнинг саволларига жавоб берди.

Бундай ҳолатлардан бирида Грав липосакция, бразилча белдан пастки қисмини кўтариш ва терини таранглаштириш амалиётини бажараётгани жонли эфирга узатилди. Ушбу "эфир" дан бир ҳафта ўтмай, унинг ҳамшираси бу беморни тез ёрдам бўлимига юборишга мажбур бўлди, чунки беморда қорин бўшлиғида ҳаво йиғилганлиги ва жигар энсефалопатияси аниқланган. Кейинчалик жарроҳлар унда ичак тешилиши ва жиддий бактериал инфекция борлигини аниқладилар. Натижада, аёл ўлик тўқималарни олиб ташлаш, қорин бўшлиғи операцияси ва терини пайвандлаш операцияларини ўтказиш учун бир нечта процедураларни ўтказишга мажбур бўлди.

Узоқ давом этган текширувлардан сўнг тиббий комиссия беморларнинг ҳаётини ўзгартирган "бепарволик" туфайли Грав лицензиясини бекор қилишни тавсия қилди.

Гравенинг сўзларига кўра, у ўқитувчиликдан завқлангани ва “тиббиётдан ташқаридаги одамларга косметик жарроҳлик ҳақида тушунча беришни” ҳоҳлагани учун ўз видеоларини ижтимоий тармоқларда тарқатган.

Aксарият шифокорлар ижтимоий тармоқлардан Гравга ўхшаб номақбул тарзда фойдаланмасалар-да, Х (собиқ Тwиттер) дан Facebook, Instagram ва TikTokгача бўлган платформалардаги муҳокамаларда қатнашиш шифокорлар учун хавфли ишдир. Medscape нинг янги ҳисоботи шуни кўрсатадики, шифокорлар доимо ўз ҳамкасблари томонидан ижтимоий тармоқлардан нопрофессионал ва этика қоидаларига риоя қилмасдан фойдаланаётганига гувоҳ бўлишади.