Ошқозон ости бези саратонини келтириб чиқарувчи хавфли омиллар санаб ўтилди
Ошқозон ости бези саратони олдиндан айтиб бўлмайдиган ўсмаларнинг энг кўп учрайдиган турларидан биридир. Статистик маълумотларга кўра, саратоннинг бу тури онкологиядан ўлим даражаси бўйича учинчи ўринда туради.
Ошқозон ости бези саратони билан оғриган беморларнинг 80 фоизида агрессив аденокарсинома аниқланади. Кўпинча, беморларга даҳшатли касалликнинг ташхиси қўйилганда, ўсимта аллақачон илдиз отиб улгурган бўлади ва уни даволаш жуда қийин. Беморларнинг 85 фоизидан ортиғи ташхис қўйилгандан кейин бир йил ичида вафот этади.
Жаҳон статистик маълумотларига кўра, ушбу касаллик босқичидан қатъи назар, ташхис қўйилгандан кейинги биринчи йилда беморларнинг атиги 25 фоизи тирик қолади. Шу билан бирга, 6 фоизидан кўп бўлмагани 5 йил яшайди, аммо агар саратон дастлабки босқичларда аниқланса ва операция ўтказилса, бу кўрсаткич 22 фоизгача кўтарилади.
Ушбу касалликнинг ривожланишига сабаб бўладиган хавфли омилларга сурункали панкреатит, ирсият, ёмон одатлар ва диабет киради.
Шифокорларнинг фикрига кўра, узоқ муддатли панкреатит саратон касаллигини ривожланиш хавфини 25 баробар, ирсий панкреатит эса 70 баробар оширади. Онкологлар орасида "оилавий ошқозон ости бези саратони" махсус атамаси мавжуд. KRAS2 генлари бўлган одамлар айниқса хавф остида ҳисобланади.
Хавфли омиллардан яна бири ёмон одатлар: спиртли ичимликлар ичиш ва чекиш. Онкологнинг сўзларига кўра, ошқозон ости бези саратони ҳолатларининг 33 фоизи чекиш билан боғлиқ. Спиртли ичимликларни истеъмол қилишнинг салбий оқибатлари ҳам бу кўрсаткичдан камни ташкил қилмайди.
Нотўғри овқатланиш ҳам саратоннинг ушбу турини ривожланишига туртки бўлиши мумкин. Ўз навбатида, диабет ҳам ошқозон ости бези саратонининг дастлабки белгиларидан бири бўлиши мумкин.
- 18 Апрель, 11:43
-
Батафсил
