Agar preparatning koʻrsatmalarida uning nojoʻya taʼsiri yoʻqligi aytilgan boʻlsa, bu holat uchta taxminga saba boʻladi:

 Birinchisi: ishlab chiqaruvchi mijozni  ataylab aldaydi, yaʼni yoʻriqnomaga preparatning haqiqiy xavfsizlik profili haqida maʼlumot kiritilmagan.

 Ikkinchi variant: preparatning klinik sinovlari bosqichida kam sonli koʻngillilar samaradorlik va xavfsizlikni oʻrganishda ishtirok etishgan,bu esa salbiy reaksiyalarning haqiqiy chastotasini aniqlash imkonini bermaydi.

 Uchinchi variant: dori haqiqatan ham nojoʻya taʼsirga ega emas, yaʼni u terapevtik va nojoʻya taʼsirga ega boʻlmagan neytral moddadir.

 Dorilarning koʻrsatmalarida "nojoʻya reaksiyalar" qanchalik batafsil tavsiflangan boʻlsa, ishlab chiqaruvchining ishonchliligi shunchalik yuqori boʻlishi kerak.

Yon taʼsirlarning mavjudligi, ularning batafsil tavsifi, biomedikal maqolalarga havolalar, kamdan-kam uchraydigan yoki juda kam uchraydigan asoratlarni koʻrsatish ishlab chiqarilgan dori xavfsizligini tahlil qilish boʻyicha katta ishlar olib borilganidan dalolat beradi.  Bu shuni anglatadiki, koʻplab bemorlar klinik tadqiqotlarda ishtirok etishgan va dori ochiq bozorga chiqqandan keyin xavfsizligini oʻrganish davom ettirilmoqda.