Ural federal universiteti olimlari qandli diabet asoratlarining oldini olish va davolash uchun dori ishlab chiqdilar. Klinik sinovlar uchun zarur boʼlgan miqdorda preparatning tajriba partiyasi allaqachon ishlab chiqarilgan.

Preparat kapsulalar shaklida ishlab chiqarildi. Klinik sinovlar muvaffaqiyatli boʼlsa, dunyoda oʼxshashi boʼlmagan innovatsion preparatning paydo boʼlishi haqida gapirish mumkin boʼladi. Uning harakat mexanizmi - qandli diabetning asoratlarini rivojlanishiga toʼsqinlik qiladi.

Ushbu kasallikdagi nogironlikning asosiy sabablaridan biri giperglikemiyaning inson toʼqimalariga taʼsiridir. Organizmda fermentlar ishtirokisiz shakarning oqsillar bilan birikmasi turli organlarning funktsiyalarini buzilishiga olib keladi: buyrak yetishmovchiligi, asab va yurak-qon tomir tizimlarining shikastlanishi rivojlanadi.

Uchta patent olindi. Endilikda universitetning sanoat hamkori Moskva farmatsevtika kompaniyasi klinik sinovlarda ishtirok etadi. Ayni paytda, UrFU kimyogarlari yangi dori-darmonlarni izlashda, boshqa taʼsir mexanizmlari bilan birikmalarni tanlamoqda.

Ural universiteti olimlari 1930-yillarda innovatsion dorilarni ishlab chiqishgan. Pnevmoniya va operatsiyalardan keyingi asoratlarni yengishga yordam beradigan 25 dan ortiq dorilar sintez qilingan.