Amerikaning Pfizer kompaniyasi bolalarda sifilis va boshqa bakterial infektsiyalarni davolashda qoʼllaniladigan Bicillin L-A (benzatin penitsillin G) preparatining yetkazib berish toʼxtatilishi haqida ogohlantirdi.

Bu kattalar aholisi orasida sifilis bilan kasallanishning koʼpayishi bilan bogʼliq, shu sababli kompaniya 18 yoshdan oshgan bemorlar uchun preparatning dozalarini oshirishi kerak.

Pfizer AQSh Sogʼliqni saqlash vazirligiga murojaat yoʼllab, unda kompaniyaning penitsillin preparatlari 2023 yilning aprel oyidan beri yetishmayotganligi qayd etilganini taʼkidladi. Xuddi shu maktubda aytilishicha, yuqori nafas yoʼllari infektsiyalarini davolashda ishlatiladigan Bicillin C-R 2023 yilning uchinchi choragida tugashi kutilmoqda.

2022-yil oxirida JSST koronavirus cheklovlari olib tashlanganidan keyin yuqumli kasalliklar sonining koʼpayishi tufayli butun dunyoda antibiotiklar – penitsillin va amoksitsillin yetishmasligi kuzatilishini maʼlum qilgan edi.