Oziq-ovqat va farmatsevtika idorasi (FDA) mutaxassislari yogʼni erituvchi inʼektsiyalarning potentsial xavfini aniqladi. Bu haqda MedicalXpressda maʼlum qilindi.

Inʼektsiyalar yogʼ hujayralarini parchalashga yordam beradi va inʼektsiya joylari atrofidagi yogʼ birikmalarini kamaytiradi. Biroq, ruxsat etilmagan inʼektsiyalardan foydalanish salbiy reaktsiyalarga, xususan chandiqlar, terining deformatsiyasi, kistalar, ogʼriqli tugunlar va jiddiy infektsiyalarga olib keladi.

Inʼektsiyalar alohida yoki birgalikda ishlatiladigan fosfatidilxolin (PPC) va natriy deoksixolatni (DC) oʼz ichiga oladi. Hozirgi vaqtda FDA faqat bitta yogʼni erituvchi inʼektsion dori, retsept asosida beriladigan Kybella deb ataladigan deozixol kislotasini tasdiqladi. U tabiiy ravishda ichak bakteriyalari tomonidan ishlab chiqariladi va ovqat hazm qilish jarayonida yogʼlarni parchalashga yordam beradi.

Yogʼ eritadigan vositadan xavfsiz va samarali foydalanish uchun toʼgʼri miqdorni tanlash va inʼektsiya joylashishini, ignalarni toʼgʼri joylashtirishni va steril sharoitlarni talab qiladi. Bunday muolajalar faqat tibbiy mutaxassislar tomonidan amalga oshirilishi lozim.