Ular mamlakatga hind jenerikining partiyasini - bakterial infektsiyalarni davolash uchun retsept boʼyicha beriladigan antibiotik yetkazib berishga harakat qilishdi. Roszdravnadzorning laboratoriya tadqiqotlari dori sifatsiz ekanligini koʼrsatdi.

"Roszdravnadzor laboratoriyasiga “DjodasEkspoim Pvt. Ltd.” (Hindiston) tomonidan ishlab chiqarilgan "Tsefepim + Sulbaktam, tomir ichiga va mushak ichiga yuborish uchun eritma tayyorlash uchun kukun" preparatining 12 partiyasi qabul qilindi. Preparatning aksariyat partiyalarida kuchli neyrotoksiklik qayd etilgan. Sinov natijalariga koʼra, "Gʼayritabiiy toksiklik" koʼrsatkichi uchun nomuvofiqlik aniqlandi. Bundan tashqari, sinovlar davomida "N-metilpirolidin" indikatori boʼyicha usulning takrorlanmasligi aniqlandi", deb xabar berdi Roszdravnadzor matbuot xizmati.

"Честный знак" davlat markirovkalash tizimi operatori 51 612 donalik partiyani muomalaga chiqarilishidan oldin (Rossiya chegarasida) bloklab qoʼydi va ushbu dori uchun markalash kodlarini berish toʼxtatildi.

"Bir dona ham antibiotiklar muomalaga kiritilmagan. Bloklash ushbu xavfli preparatni sotishga urinishlarning oldini olishga yordam beradi. Agar sotuvchi taqiqni chetlab oʼtishga harakat qilsa, tizim savdo ishtirokchilarini dori prerapatining savdosi cheklanganligi haqida xabardor qiladi va har qanday chora koʼrishga ruxsat bermaydi. Bu isteʼmolchilarni himoya qilish uchun markirovkalash tizimidan muvaffaqiyatli foydalanishning birinchi misoli emas. Shunday qilib, Biocad maʼlumotlariga koʼra, onkologik dorilar segmentida noqonuniy savdo 10 baravar kamaygan.", - dedi Yegor Javoronkov, "Честный знак" davlat markirovkalash tizimining operatori.