Kanadaning Nyu-Bransuik provinsiyasida noma’lum miya kasalligi bilan kasallanganlar soni ortib bormoqda. Kasalxonalar bemorlar oqimiga dosh bera olmaydi, deb xabar bermoqda rasmiylar.

Viloyat rahbari Syuzan Xolt Kanada sog‘liqni saqlash agentligini qo‘rqinchli hodisani tekshirishga chaqirdi.

«Biz odamlarning nima uchun kasallanayotganining sabablarini chuqur o‘rganishimiz kerak... Biz nafaqat uni qanday aniqlash, tashxis qo‘yish va davolashni bilmaymiz. Eng achinarlisi uning nima sababdan paydo bo‘lganini ham bilmaymiz», deydi Xolt.

Avvalroq Kanadaning yetakchi olimlaridan biri deb atalgan Maykl Kulthart sirli hodisani tushuntirishga harakat qilgan edi. Uning so‘zlariga ko‘ra, atrof-muhitga ta’sir qilish, birinchi navbatda, Alsgeymer va Parkinson bilan kasallangan bemorlarda turli neyrodegenerativ jarayonlarni qo‘zg‘atishi mumkin. U, shuningdek, kasallikni o‘rganishi taqiqlanganini aytgan. Keyinchalik uning so‘zlariga yana bir taniqli olim qo‘shildi. U ham 350 kishi ushbu kasallikdan aziyat chekkanini aytdi.

Bu kasallik haqida ilk bor xabar qilinmayapti. 2021-yilning bahorida viloyat aholisining sirli kasallik tufayli kasalxonaga yotqizilishi ham qayd etilgan edi. Mutaxassislarning fikriga ko‘ra, u kam uchraydigan Creutzfeldt-Jakob kasalligiga o‘xshaydi. Bu miya va orqa miyaning korteks va subkortikal markazlariga zarar yetkazadi.

Noma’lum kasallik holatlari 2020 va 2019-yillarda ham qayd etilgan. Bemorlar bosh og‘rig‘i, hatti-harakatlarning o‘zgarishi, depressiya va xavotirdan shikoyat qiladilar. Shuningdek, uyqu buzilishi, oyoq-qo‘llarining og‘rig‘i va mushaklarning kuchli spazmlari, ko‘rish muammolari va gallyutsinatsiyalar kabi alomatlar ham qayd etilgan. Kasallanganlarning aksariyati 45 yoshdan kichik.

Mutaxassislar kasallik ekologiyaning buzilishi bilan bog‘liq bo‘lishi mumkinligini istisno qilmaydi.