Tibbiy xizmatlarga QQS imtiyozlari bekor qilinadi. Quyidagi savdo aylanmasi boʼyicha QQS toʼlanadi:

➖ tibbiy xizmatlar;
➖ veterinariya xizmatlari;
➖ dori vositalari;
➖ veterinariya dori vositalari, tibbiyot va veterinariya uchun moʼljallangan buyumlar.

Shuningdek, 2024 yil 1 apreldan boshlab, Oʼzbekiston hududiga olib kirishda quyidagilar boʼyicha QQS toʼlanadi:

♦ dori vositalari;
♦ veterinariya dori vositalari;
♦ tibbiyot va veterinariya uchun moʼljallangan buyumlar, shuningdek, qonunchilikda belgilanadigan roʼyxat boʼyicha olib kiriladigan xomashyo.

Shuningdek:

➖ Subsidiyalar, imtiyozlar va preferensiyalar tadbirkorlik subʼektlariga barqarorlik reytingidagi oʼrnidan kelib chiqqan holda ajratiladi va qoʼllaniladi.

➖ 2024 yil 1 apreldan boshlab nogironligi boʼlgan shaxslarni reabilitatsiya qilish va protezlash hududiy markazlarida bolalar reabilitatsiyasi boʼlimlari tashkil etiladi.

➖ ijtimoiy himoya milliy agentligiga protez moslamalari va reabilitatsiya vositalari bilan elektron tijorat orqali vaucher asosida taʼminlashni toʼxtatmagan holda, 2024 yil 1 apreldan 2026 yil 1 aprelga qadar elektr yuritmali kreslo-aravacha va eshitish moslamalarini markazlashtirilgan tartibda xarid qilish va muhtoj shaxslarga yetkazib berish vakolati beriladi; 

➖ “Inson” ijtimoiy xizmatlar markazlari hamda Ijtimoiy himoya milliy agentligi tizimidagi tibbiy-ijtimoiy muassasalarda shartnoma asosida pulli xizmat koʼrsatish tartibi joriy etiladi. Bunda, “Inson” ijtimoiy xizmatlar markazlari hamda tibbiy-ijtimoiy muassasalarda shartnoma asosida koʼrsatiladigan pulli xizmatlar roʼyxati agentlik tomonidan Iqtisodiyot va moliya vazirligi bilan kelishilgan holda tasdiqlanadi;

➖ maxsus axborot platformasi orqali davlat organlari va tashkilotlari rahbarlarining raqamlashtirishga masʼul oʼrinbosarlari va xodimlari raqamlashtirish sohasidagi qoidalar va qonunchilik talablari boʼyicha «hayot davomida taʼlim olish» tamoyili asosida oʼqitiladi.