AQSHning Deep Proteins guruhi tomonidan taklif etilgan yangi sunʼiy intellekt modeli oqsilga asoslangan samaraliroq va zarari kamroq dori va vaksinalarni ishlab chiqishga yordam beradi.

EvoRank deb nomlangan sunʼiy intellekt tabiatning evolyutsion jarayonlarining asosiy mantigʻidan foydalanadi va yaxshiroq biologik vositalarni ishlab chiqish yoʻlidagi asosiy toʻsiqni — oqsillar boʻyicha yetarlicha eksperimental maʼlumotlarning etishmasligini yoʻq qiladi. Yangi sunʼiy intellekt millionlab tabiiy oqsillarni va ularning evolyutsion oʻzgarishlarini tahlil qilishga qodir, shu bilan yangi oqsil tuzilmalarini ishlab chiqishda qoʻllaniladigan asosiy tamoyillarni aniqlaydi.

"Tabiat 3 milliard yil davomida aminokislotalarning mutatsiyalari yoki ularning oʻrnini bosish orqali oqsillarni rivojlantirmoqda — faqat tirik mavjudotlar uchun foydali boʻlganlar saqlanib qolgan. EvoRank oqsil evolyutsiyasini boshqaradigan prinsiplarni distillash uchun atrofimizdagi evolyutsiyani qanday saralashni aniqlaydi va oqsilga asoslangan yangi dori-darmonlarni ishlab chiqishda ushbu tamoyillardan foydalanadi" —deydi Deep Proteins fanlararo guruhi yetakchilaridan biri Daniyel Diaz.

EvoRank nafaqat oqsillarning tarkibi yoki tuzilishini tahlil qiladi, balki belgilangan funksiyalarni dasturlash uchun ularning aminokislotalar ketma-ketligiga oʻzgartirishlar kiritishga yordam beradi.

Agar EvoRank, shuningdek, uning Stability Oracle tizimi tijoratlashtirilsa, farmatsevtika sanoati yangi dori vositalarini ishlab chiqish vaqtini va xarajatlarini kamaytirish uchun misli koʻrilmagan imkoniyatga ega boʻladi, deydi guruh yetakchilari.

Shu bilan birga, mualliflar EvoRankni oqsil muhandisligi boʻyicha tadqiqotlarda qoʻllash uchun qariyb 2,5 million dollar olishdi. EvoRankning birinchi maqsadi gerpes viruslariga qarshi samarali vaksina ishlab chiqishga yordam berishdir.