Qandli diabetda sog‘liqqa zarar yetkazmaslik uchun qanday mevalarni iste’mol qilish mumkin, degan savolga endokrinolog Yekaterina Yang javob berdi.

Shifokorning aytishicha, shakarli mahsulotlar, jumladan, meva va rezavorlar glikemik indeksi bo‘yicha farqlanadi. U past, o‘rta va yuqori bo‘lishi mumkin. Glikemik indeksi past bo‘lgan mevalar qand miqdori yuqori bo‘lgan odamning ratsionida bo‘lishi mumkin, chunki ular qandning keskin oshishiga olib kelmaydi. Bular olma, shaftoli, o‘rik, olxo‘ri va qulupnay.

O‘rtacha indeks - bunday mahsulotlarni ehtiyotkorlik bilan iste’mol qilish kerakligini ko‘rsatadi. Bular olxo‘ri, chernika, greypfrut, apelsin.

Glikemik indeksi yuqori bo‘lgan meva va rezavorlarni iste’mol qilish esa jiddiy xavflar bilan bog‘liq.

"Ularga banan, mango va tarvuz kiradi," - deya aniqlik kiritdi Yekaterina Yang.

Shifokorning qo‘shimcha qilishicha, qandli diabetda mevalarni ovqat orasida tamaddi qilishdan voz kechgan ma’qul.

"Ular uzoq vaqt to‘q tutmaydi, bundan tashqari, qondagi glyukoza darajasining oshishiga olib keladi," - dedi mutaxassis.

Endokrinolog meva va rezavorlarni ovqatdan keyin yeyishni maslahat berdi.