Prezidentimiz tashabbusi bilan ijtimoiy imtiyozga ega boʼlmagan 3,5 ming nafar bemorda yuqori texnologik operatsiyalar oʼtkazilishi belgilangan edi. Ularning 2000 nafardan ortigʼi bolalar boʼlsa, 1500 nafari katta yoshli fuqarolar.

Moddiy imkoniyati cheklangan, bepul davolanish imtiyoziga ega boʼlmagan 1500 nafar bemor oʼzi yashab turgan hududdagi muassasalarda operatsiya qilinmoqda.

Jumladan:

• 620 nafarida chanoq-son va tizza boʼgʼimini endoprotezlash,
• 170 nafarida yurak-toj arteriyalarini stentlash,
• 90 nafarida laparoskopik,
• 33 nafarida bosh miya operatsiyalari,
• 41 nafarida buyrak toshlarini maydalash,
• 370 nafarida boshqa turdagi jarrohlik amaliyotlari hududlarning oʼzida oʼtkazilishi rejalashtirilgan.

Shu yil yanvar-may oylarida bemorlarning ming nafardan ortigʼi shifoxonalarga yotqizilib, ularning 769 nafarida turli yuqori texnologik operatsiyalar bajarildi.

Xususan, bemorlarning:

• 228 nafarida chanoq-son va tizza boʼgʼimini endoprotezlash,
• 87 nafarida yurak toj arteriyalarini stentlash,
• 72 nafarida laparoskopik,
• 9 nafarida bosh miya operatsiyalari,
• 35 nafarida buyrak toshlarini maydalash,
• 338 nafarida boshqa turdagi jarrohlik amaliyotlari hududlarning oʼzida oʼtkazildi.