Sechenov universiteti olimlari tirik hujayralar va kollagendan quloq pardasi analogini bioprinterda chop etishni o‘rgandi. Yangi texnika odamlarga bir oy ichida eshitish qobiliyatini tiklash imkonini beradi.

“Quloq pardasining teshilishini tiklash uchun biz o‘zimiz uchun yangi va murakkabroq to‘qima muhandislik tuzilmalarini yaratishga qaror qildik. Asos sifatida biologik mos keladigan gidrogel va hujayrali sferoidlarni o'z ichiga olgan ilgari ishlab chiqilgan biosuyog` olindi. Keyin kollagen matritsalari bo‘lgan bioqog‘ozdagi 3D bioprinter yordamida konstruksiyalar chop etildi”, — dedi Regenerativ tibbiyot instituti kichik ilmiy xodimi Polina Bikmulina.

Sechenov universitetining 1-sonli klinik shifoxonasi kafedra mudiri, professor, Quloq, burun va tomoq kasalliklari klinikasi direktori Valeriy Svistushkinning so‘zlariga ko‘ra, karlik va eshitish qobiliyatini yo‘qotish keng tarqalgan kasallik va otorinolaringologlar uchun muhim muammo hisoblanadi. Quloq pardasining teshilishi butun dunyo bo'ylab millionlab odamlarga ta'sir qiladi va eshitish qobiliyatini yo'qotishiga olib keladi. Bu esa keyinchalik kasbiy va ijtimoiy moslashuvning buzilishi va hayot sifatining pasayishiga olib keladi, deb tushuntirdi mutaxassis.

Uning ta'kidlashicha, yangi texnologiya ushbu patologiyaga chalingan odamlarga yordam berish jarayonini sezilarli darajada osonlashtiradi, buning natijasida operatsiya odatdagidan ko'p marta tezroq amalga oshiriladi - taxminan 40 daqiqa.

Hozirda shinshillalar ustida tajriba o‘tkazilgan, chunki ularning quloq membranasining tuzilishi odamnikiga yaqin, va keyinchalik klinik tadqiqotlar o‘tkazish va odamlarni davolashga o‘tish rejalashtirilgan.