Shimoliy Kavkaz Federal universiteti tadqiqotchilari qandli diabet va COVID-19 dan aziyat chekkanlar uchun moʻljallangan non mahsulotlari ishlab chiqarishning yangi texnologiyasini taklif qilishdi. Tadqiqot mualliflarining fikricha, bu mahsulotlar nafaqat qondagi qand miqdorini nazorat qilish, balki immunitet tizimini mustahkamlash va ishtahani nazorat qilishga ham yordam beradi. 

Qandli diabet - surunkali kasallik boʻlib, unda oshqozon osti bezi yetarli miqdorda insulin ishlab chiqarmaydi yoki organizm uni samarali ishlata olmaydi, natijada glyukoza almashinuvi buziladi. Jahon sogʻliqni saqlash tashkiloti (JSST) qandli diabet umr koʻrish davomiyligini qisqartirishning asosiy sabablaridan biri ekanligini taʼkidlaydi. 

Shimoliy Kavkaz federal universiteti olimlarining fikriga koʻra, anʼanaviy pishirilgan non mahsulotlari qondagi glyukoza darajasini oshiradi, shuning uchun diabetga chalinganlar ularni isteʼmol qilishdan cheklanishi kerak. Biroq, tadqiqotchilar muammoni un mahsulotlaridan butunlay voz kechish bilan emas, balki glikemik  indeksni (qondagi qand miqdorining oʻsish tezligini aniqlaydigan koʻrsatkich) pasaytirish uchun ularning tarkibini oʻzgartirish orqali hal qilishni taklif qilmoqda. 

Olimlar qandli  diabetga chalingan va COVID-19 dan aziyat chekkan immuniteti zaif odamlar uchun past glikemik indeksli non va non mahsulotlarini ishlab chiqishdi. Buning uchun ular anʼanaviy bugʻdoy unini makkajoʻxori uni va noʻxat uni aralashmasi bilan almashtirdilar, shuningdek, ichak mikroflorasiga ijobiy taʼsir koʻrsatadigan va immunitet tizimini mustahkamlovchi postbiotik - kombucha (xitoycha "kom bu cha" dan tarjima qilingan, "dengiz oʻtlari choyi" deb tarjima qilinadi) choyini qoʻshdilar. 

SKFU oziq-ovqat texnologiyasi va tovarshunoslik kafedrasi dotsenti Valeriya Orobinskayaning soʻzlariga koʻra, ushbu non mahsulotlari tarkibida biologik faol moddalar koʻp boʻlganligi sababli ularni isteʼmol qilish metabolizmni yaxshilashga, qondagi glyukoza miqdorini pasaytirishga hamda vitamin va mikroelementlarning yetishmasligini tiklashga yordam beradi. Bundan tashqari, bunday mahsulotlarlar oshqozon osti bezi yukini kamaytirishga xizmat qiladi, immunitetni mustahkamlaydi va "yomon" xolesterinni olib tashlash orqali ateroskleroz rivojlanishining oldini oladi. 

Ishlab chiqilgan non va non mahsulotlari, shuningdek, oshqozon osti bezi toʻqimalarining yangilanish jarayonlarini faollashtirishga  va ochlikni nazorat qilishga yordam beradi.