Сўровнома: Шифокорларнинг 73 фоизи CОВИД-19 га қарши оммавий емлашни бекор қилишни қўллаб-қувватлади
Июль ойида Россия Федерацияси Соғлиқни сақлаш вазирлиги коронавирус инфекциясига қарши оммавий эмлашдан воз кечишни таклиф қилди ва фақат фуқароларнинг заиф тоифалари учун мажбурий қолдирди. Департаментнинг фикрича, мамлакатда эпидемик вазият барқарорлашган, жамоавий иммунитети етарли даражада тўпланган. Ушбу масала бўйича тиббиёт ҳамжамиятининг фикрини билиш учун Vrachu.ru масофавий тиббий таълим хизмати 11 дан 16 августгача сўровнома ўтказди.
Тадқиқотда 2352 нафар респондент (шифокор ва ҳамширалар) иштирок этди. Уларнинг аксарияти (73 фоизи) Соғлиқни сақлаш вазирлигининг оммавий эмлашни тўхтатиш ҳақидаги таклифини қўллаб-қувватлади. Яна 14,4 фоизи бу борада аниқ фикрга эга эмас. Тиббиёт ходимларининг 12,6 фоизи оммавий эмлашни давом эттириш тарафдори.
Респондентлар, шунингдек, CОВИД-19 билан боғлиқ ҳозирги вазият бир йил олдинги ҳолатдан қандай фарқ қилиши ҳақида ўз фикрларини билдирдилар. Респондентларнинг 92,8 фоизи касаллик ҳолатлари сезиларли даражада камайганлигини айтди. Ва фақат 5,9% касалланишнинг камайиши аҳамиятсиз эканлигини қайд эйтди.Бундан ташқари, сўров иштирокчиларининг аксарияти беморларда касалликнинг оғир кечиши ҳозирда сезиларли даражада камайганлигини айтди (респондентларнинг 93,7%). Яна 4,9 фоизи CОВИД-19 билан касалланган "оғир" беморлар камроқ бўлса-да, аммо унчалик кўп эмаслигини ва 1,1 фоизи "оғир" беморлар сони ўзгармаганлигини айтди.
Шу билан бирга, ЖССТ дунёда CОВИД-19 инфекцияси ҳолатлари кўпайганини, хусусан, эрис (EG.5) деб аталадиган омикрон штаммининг янги субварианти пайдо бўлганлигини қайд этди. Охирги тўрт ҳафта ичида (17 июлдан 13 августгача бўлган давр) дунёда 1,4 миллион кишида CОВИД-19 инфексияси аниқланган, бу аввалги 28 кунга нисбатан 63 фоизга кўпдир. Беморларнинг ўлим даражаси эса камайган.
- 21 Август, 09:09
-
Батафсил
