Микроорганизмлар сонининг тез ўсиши антибиотикларнинг самарадорлигини пасайишига олиб келади. Бу ҳақда Bild нашри хабар берди. 

"Биз яна замонавий тиббиёт ютуқларини йўқотмоқдамиз ва пенициллин кашф этилгунга қадар бўлган даврларга қайтмоқдамиз," — деди Инфекцион терапия жамияти президенти Матиас Плетц. 

Шундай қилиб, нашр антибиотиклар самарадорлигини пасайишининг иккита асосий сабабини келтиради:

-  коронавирус пандемиясидан кейин сайёҳлик саёҳатлари сонининг ортиши

-  оддий респиратор касалликларни даволаш учун ҳам антибиотикларнинг кўп миқдорда истеъмол қилиниши. 

Таъкидланишича, антибиотиклар кўпинча назоратсиз буюрилади ва баъзида уларга ҳеч қандай эҳтиёж ҳам бўлмайди. Натижада антибиотикларга чидамли микроорганизмлар инфекциялар келтириб чиқариши мумкин, 2050 йилга келиб ўн миллионлаб одамлар бундан азият чекиши мумкин.