Россияликлар аллергия туфайли уйдан ишлаш имкониятига эга бўлишлари мумкин
Россиянинг уч томонлама комиссиясига (РТК) аллергик реакцияга дучор бўлган ходимлар учун масофавий ишлашни вақтинча жорий этиш бўйича қонун лойиҳаси келиб тушди. 28 июлга қадар РТК аъзолари қонун лойиҳасига расмий жавоб беришлари керак.
Қонунчилик ташаббуси муаллифи, Давлат Думасидаги ЛДПР фракциясининг биринчи ўринбосари Сергей Леонов таъкидлаганидек, ҳозирда уйдан ишлашнинг бир нечта варианти қўлланилмоқда. Хусусан, барча офис ходимларини масофавий ишлашга юбориш мумкин, аммо Меҳнат кодексига кўра, 6 ойдан ортиқ бўлмаган муддатга. Кўпгина иш берувчилар аралаш режимдан фойдаланишни бошладилар, бунда одамлар иш ҳафтасининг бир қисмини офисда, қолган қисмини эса уйда ишлашади. Aммо, шу билан бирга, ҳеч ким аллергик реакцияларнинг кучайиши даврида, айниқса баҳорда ўсимликлар гуллаганда, ходимларнинг уйдан чиқиб кетишлари қийин эканлигини ўйлашмайди.
Шу боис уларнинг масофавий ишлаш ҳуқуқини Меҳнат кодексида мустаҳкамлаб қўйиш таклиф қилинмоқда. Шунингдек, уларга кейинги меҳнат таътили учун қулай вақтни танлаш имкониятини бериш таклиф этилади. Масалан, ногирон фуқароларга ғамхўрлик қилаётган ишчиларни масофавий ишлашга, шу жумладан ота-оналар болаларни парвариш қилиш учун касаллик таътилида бўлганда ҳам юбориш мумкин.
"Бошқа оилавий ҳолатлар ҳам белгиланиши мумкин - таътил пайтида вояга етмаган болаларни қаровсиз қолдиролмаслик ишга зарар етказади. Бу ерда, кадрлар етишмаслиги шароитида иш берувчиларга ходимларни сақлаб қолиш, одамларга эса ўзларининг оилавий ёки шахсий муаммоларини ҳал қилиш имконияти берилиши керак”, - дея қўшимча қилади ташаббус муаллифи.
Ҳар йили аллергия мавсуми арафасида Роспотребнадзор гуллайдиган ўсимликларга сезгир бўлган фуқароларга уйда қолишни маслаҳат беради, чунки хона ичидаги ҳавода гулчанг доналарининг концентрацияси анча паст. Иложи бўлса, иқлимни ўзгартириш ва агар шиш пайдо бўлса, дарҳол шифокор билан маслаҳатлашиш тавсия қилинади.
