Bayer keng ko‘lamli restrukturizatsiya doirasida 2024-yil boshidan beri 3200 nafar xodimni qisqartirdi, operatsion xarajatlarni kamaytirish uchun ishdan bo‘shatishlarni 2025-yilgacha davom ettirishni rejalashtirmoqda.

Kompaniya 2024-yilda daromadning biroz o‘sishi va EBITDA pasayishini ko‘rsatib, Monsantoni sotib olish bilan bog‘liq moliyaviy qiyinchiliklarni boshdan kechirishda davom etmoqda.

Germaniyaning Bayer konserni keng ko‘lamli restrukturizatsiya doirasida 2024-yil boshidan buyon 3200 nafar xodimni qisqartirdi. Bu haqda kompaniya II chorak va joriy yilning dastlabki 6 oyi uchun moliyaviy hisobotida ma’lum qildi.

2022-yil oxirida Bayer xodimlarining umumiy soni 101 369 kishini tashkil etgan bo‘lsa, endi u qariyb 96,500 kishiga kamaydi. 

Xodimlarni qisqartirish o‘tgan yilning iyun oyida kompaniyaga rahbarlik qilgan Bayer rahbari Bill Anderson tomonidan joriy etilgan "Dinamik qo‘shma egalik" dasturi doirasida amalga oshirilmoqda. Uning asosiy maqsadi byurokratiyani kamaytirishdir.