Dorixonalarda sotilayotgan dori vositalarining 70 foizdan ortigʼi retsept boʼyicha sotilishi kerak boʼlishiga qaramay, har uchinchi antibiotik retseptsiz sotib olinadi. Bu haqda Butunrossiya bemorlar ittifoqi matbuot anjumanida maʼlum qilindi.

“Yurak-qon tomir dori vositalari orasida deyarli har ikkisidan biri retseptsiz sotiladi. Bu "Sirli xaridor" tadqiqoti davomida toʼplangan maʼlumotlarimizdan kelib chiqdi", dedi Butunrossiya bemorlar ittifoqi rahbari Yan Vlasov.

Bu holat, afsuski, antibiotiklarga chidamli fuqarolar sonining koʼpayishiga olib keladi, deya qoʼshimcha qildi Mustaqil dorixonalar uyushmasi direktori Viktoriya Presnyakova.

Mutaxassislarning fikricha, muammoni dori vositalarini retsept boʼyicha sotishni belgilashning yangi tartibini joriy etish orqali hal qilish lozim. Dorixona xodimlari nazorat-kassa apparatlari orqali dori vositalari harakatini nazorat qilish, retsept boʼyicha maʼlumotlarni - berilgan sana, uning raqami va seriyasini kiritish tizimiga oʼtkazishi kerak boʼladi.