Dori vositalari, tibbiy buyumlar va tibbiy texnika ekspertizasi va standartlashtirish davlat markazi tomonidan dorilarni qoʼllashga ruxsatnoma berish qoʼyidagi hollarda rad etilishi mumkin:

➖ guvohnoma berish uchun zarur boʼlgan hujjatlarning, dori vositalari va tibbiy buyumlar va tibbiy texnika namunalarining va boshqa talab qilinadigan materiallarning ariza beruvchi tomonidan toʼliq boʼlmagan hajmda taqdim etilishi;

➖ ariza beruvchining ruxsat berish talablari va shartlariga nomuvofiqligi;

➖ ariza beruvchi tomonidan taqdim etilgan hujjatlarda ishonchsiz yoki buzib koʼrsatilgan maʼlumotlarning mavjudligi;

➖ dori vositalari, tibbiy buyumlar va tibbiy texnikaning sifati, xavfsizligi va samaradorligini tavsiflovchi laboratoriya sinovlari, klinik tadqiqotlar, ishlab chiqarishni tekshirish yoki boshqa ilmiy-texnik baholash (dori vositalari va tibbiy buyumlar va tibbiy texnikaning roʼyxatdan oʼtkazish hujjatlarini ekspertizadan oʼtkazish) yakunlari boʼyicha asoslangan salbiy xulosalarning olinishi.

➖ dori vositalari, tibbiy buyumlar va tibbiy texnikalarga nisbatan intellektual mulk obʼektlariga boʼlgan huquqlarning buzilganligi;

Guvohnoma berishning boshqa asoslarga koʼra, shu jumladan, maqsadga muvofiq emasligi sabablari boʼyicha rad etilishiga yoʼl qoʼyilmaydi.