Johnson & Johnson (J&J) farmatsevtika kompaniyasi AQSh oziq-ovqat va farmatsevtika idorasi (FDA) qon saratoni bilan ogʼrigan bemorlarni davolash uchun antitelaga asoslangan preparatini tasdiqlaganini eʼlon qildi, deb yozadi Reuters.

FDA qarori bemorlarning 73,6 foizi saratonni qisman yoki toʼliq bartaraf etishga erishganini koʼrsatadigan oʼrta bosqichdagi tadqiqot maʼlumotlariga asoslanadi. Taʼkidlash joizki, agentlik dori yorligʼiga agressiv immunitet reaktsiyasi yoki sitokinlarni ajratish sindromi, shuningdek, nevrologik toksiklikni paydo boʼlish xavfini koʼrsatadigan eng qatʼiy xavfsizlik ogohlantirishini qoʼyishni talab qildi.

Talvey (talketamab) preparati kamida toʼrtta oldingi davolash kurslarini olgan (haftada bir marta teri ostiga yuborilgan) qayta koʼp mieloma bilan ogʼrigan bemorlar uchun davolash sifatida tasdiqlandi. Ushbu vosita saraton va immun hujayralarini birlashtirish uchun moʼljallangan bispetsifik antilalar sinfiga tegishli boʼlib, shunda organizmning immun tizimi oʼsimtani yoʼq qilishi mumkin.

Koʼp mieloma - bu suyak iligida boshlanadigan va oxir-oqibat normal qon hujayralari ishlab chiqarishga xalaqit beradigan saraton shaklidir. Ushbu tashxis uchun mavjud boʼlgan boshqa davolash usullari J&J kolmpaniyasining Carvykti va Bristol-Myers Squibbning Abecma dori vositalarini oʼz ichiga oladi, ularning ikkalasi ham CAR-T- terapiya sinfiga kiradi.