Minyu universiteti olimlari konsentratsiyani va ish faoliyatini yaxshilash uchun kofeinni yagona modda sifatida qabul qilish samaradorligini shubha ostiga olishdi. “Frontiers in Behavioral Neuroscience” jurnalida chop etilgan tadqiqot shuni ko'rsatadiki, kofeinni o`zini iste'mol qilganda (qahvada emas) ishtirokchilar miyasining tegishli hududlarini faollashtirmagan. Bu ichimlik ichish paytida platsebo effekti kelib chiqishi haqida darak berishi mumkin. 

Tadqiqot davomida ishtirokchilardan tadqiqot boshlanishidan kamida uch soat oldin kofeinli ovqatlar va ichimliklardan voz kechishlari talab qilingan. Keyin subyektlar kuniga kamida bir chashka qahva ichishgan va mutaxassislar ularni miyasini MRT orqali 2 marotaba tekshirishdi: biri kofein yoki standart chashka qahvani qabul qilishdan oldin va 30 daqiqadan keyin. Jarayon davomida ishtirokchilarni o`zini bo`sh qo`yishi va hech narsa haqida o`ylamaslik talab qilingan. 

Tadqiqotchilar kofe ichgan ishtirokchilarda miyaning ayrim sohalarida yuqori faollik kuzatilishini taxmin qilishgan edi. Biroq, ma'lum bo'lishicha, kofeinni iste'mol qilish ham, kofe iste'mol qilish ham odamlarni dam olishdan vazifani bajarishga o'tishga bir hil darajada tayyor qildi. Shu bilan birga, bir finjon qahva ichish miyaning xotira, kognitiv nazorat va maqsadga yo'naltirilgan xatti-harakatlarida ishtirok etadigan qismlarini kuchaytirdi. Biroq, ishtirokchilar faqat kofein qabul qilganda, bu hududlar unchalik faol emas edi. 

Boshqacha qilib aytganda, konsentratsiya uchun kofeinning o'zi yetarli emas - siz aynan qahva ichishingiz kerak. Bundan tashqari, bu ta'sir kofein o'z ichiga olgan boshqa ichimliklarni iste'mol qilganda ham kuzatilmagan. Ehtimol, unumdorlikning oshishi qahvaning o'ziga xos hidi va ta'mi yoki ushbu ichimlikni qabul qilish bilan bog'liq psixologik umidlar bilan bog'liq.