Jamoat isteʼmolchi tashabbusi Rossiyada Johnson & Johnson chaqaloq kukuni (prisipka) ishlab chiqaruvchi kompaniyaga qarshi birinchi daʼvoni qoʼzgʼatdi. Аvvalroq Аmerika Qoʼshma Shtatlari va Kanadadagi xaridorlar kompaniyaga ishlab chiqarilgan kukunlari saraton kasalligini keltirib chiqarishda ayblab, daʼvo qilishgan.

OPI hujjatida keltirilishicha, J&J kukunlarida kantserogen talьk borligi 1970 yillardan boshlab aniqlana boshlagan. Bir necha oʼn yillar oʼtgach, bunday kukunni qoʼllaganidan keyin ayollarda tuxumdon saratoni paydo boʼlganligi aytiladi.

Kompaniya isteʼmolchilardan 38 000 ta daʼvo qabul qildi. 2020 yilda J&J АQSh va Kanadada talьk bolalar kukuni sotishni toʼxtatishini eʼlon qildi.

Mahsulot xavfsizligi bilan bogʼliq xavotirlar tufayli unga boʼlgan talab keskin kamaydi. 2022 yil avgust oyida J&J 2023 yilda butun dunyo boʼylab sotuvlarni tugatishini eʼlon qildi. Аprelь oyi boshida J&J kelgusi 25 yil ichida talьk bolalar kukuni bilan bogʼliq sud ishlarini hal qilish uchun 8,9 milliard dollar sarflashini aytdi.

J&J taʼkidlashicha, uning talьk asosidagi mahsulotlari xavfsiz va saraton kasalligiga olib kelmaydi.

Kompaniyaning yuristlari kukun va saraton oʼrtasidagi oʼzaro bogʼliqlik haqidagi maʼlumotlar ilmiy ahamiyatga ega emasligi va daʼvogarlarning advokatlarini kompaniyadan iloji boricha koʼproq pul talab qilishda ayblashadi.

"Известия" J&J bosh ofisiga, shuningdek, Rossiyadagi vakolatxonasiga bolalar kukunini rossiyaliklarga sotish bilan bogʼliq vaziyat va isteʼmolchilarning kompensatsiya olish imkoniyati haqida izoh berishini soʼrab, soʼrovlar yubordi. Rospotrebnadzor tergov boshlanganini maʼlum qildi. Roskachestvo kompaniya mahsulotlari boʼyicha tadqiqot oʼtkazmaganliklarini taʼkidladi.