Tik Tokda sayohat paytida sumka yoki chemodandigi joyni tejash uchun dori-darmonlarni Tic Tac qutisi ichiga solishni tavsiya etilgan video tarqaldi. Videoda parvoz vaqtida bagajda joy tejash uchun dori-darmonlarni asl oʼramidan olib chiqib, Tic Tac konteyneriga oʼtkazish tavsiya etiladi.

Farmatsevtika mahsulotlarini qadoqlash boʼyicha mutaxassis Stiv Braunett-Geylning soʼzlariga koʼra, sumkada joy tejash uchun oʼz sogligini xavf ostida qoldirishi mumkin.

“Aksariyat mamlakatlardagi qoidalar chegaradan oʼtayotganda dori vositalarini asl oʼramida saqlashni talab qiladi. Agar u asl oʼramda boʼlmasa yoki yorligʼi aniq boʼlmasa yoki oʼqib boʼlmasa, aeroport xavfsizlik xizmati uni aniqlay olmaydi. Bu shubha uygʼotishi mumkin, bu esa, oʼz navbatida, parvozdan qolib ketishga olib kelishi mumkin", dedi mutaxassis.

Bu dori qadoqlarini almashtirishning yagona natijasi emas: asl qadoqdan olib tashlangan dori oʼz samarasini yoʼqotishi mumkin - farmatsevtika ishlab chiqaruvchilari oʼz mahsulotlari uchun qadoqlash materiallarini ehtiyotkorlik bilan tanlaydilar, chunki dorilar yorugʼlik, namlik va havodan himoyalangan boʼlishi kerak, bu omillar samaradorlikni pasaytirishi mumkin.

Bir tomondan,TikTok kabi platformalar sogʼliqni saqlash sohasi mutaxassislari uchun foydali boʼlishi mumkin. Masalan, ular keng jamoatchilik uchun axborot kampaniyalarini oʼtkazishi, sogʼlom turmush tarzini targʼib qilishi va hokazoda yordam berishi mumkin. Boshqa tomondan, ijtimoiy tarmoqlar dahshatli maslahatlar manbaiga aylanmoqda. Ovqat hazm qilish kasalliklari haftaligi konferentsiyasida taqdim etilgan tadqiqot shuni koʼrsatdiki, "tsirroz" yoki "jigar kasalligi" kalit soʼzlarini oʼz ichiga olgan barcha TikTok videolarining 40 foizi notoʼgʼri maʼlumotlar va davolanish usullarini targʼib etib kelmoqda.