Avstraliyaning Neurode startapi diqqat yetishmovchiligi va giperaktivlik buzilishini (DEGB) davolashga yondashuvni o‘zgartiruvchi ishlanma haqida e’lon qildi. Tadqiqotchilar an’anaviy dori-darmonlar o‘rniga, invaziv bo‘lmagan yengil elektr miya stimulyatsiyasidan foydalanishni taklif qilishdi. Tasmani kuniga 20 daqiqa taqish kifoya.

New Atlas portali ma’lumotlariga ko‘ra, startapga besh yoshida DEGB tashxisi qo‘yilgan nevrolog Natali Guayyard asos solgan. Muhandis Damian Sofrevski bilan birgalikda u qurilma uchun 3,7 mln.dollar sarfladi va qurilmani ko‘ngillilarda sinab ko‘rishni boshlashga tayyor.

Qurilma bosh miyaning katta maydoni bo‘lgan prefrontal qobiq (PFC) uchun engil elektr stimulyatsiyasini ta’minlaydi. Prefrontal qobiq hissiyotlarni, ijro etuvchi funksiyani va diqqatni nazorat qiladi.

Ijodkorlarning ta’kidlashicha, tasma kuniga 20 daqiqa taqilganda miyaga diqqatni jamlash, xotira va impulslarni boshqarishga yordam beradi. Neurode miya monitoringi ilovasiga ulanadi va prefrontal qobiq faoliyati ma’lumotlarini smartfon orqali kuzatish mumkin bo‘ladi. Rey nomli sun’iy intellekt yordamchisi ilovaga integratsiya qilingan bo‘lib, birinchi navbatda foydalanuvchilarga qurilmani sozlash va kun davomida o‘z faoliyatini tizimlashtirishda yordam beradi.

Diqqat yetishmasligi va giperaktivlik buzilishi - maktab yoshidagi bolalarning 5-8% da uchraydigan va 60% hollarda voyaga etgunga qadar davom etadigan nevropsixologik kasallik. O‘g‘il bolalarda bu sindrom qizlarga qaraganda 4-5 marta ko‘p uchraydi.

Ba’zi bolalarda kasallik belgilari o‘smirlik davrida yo‘qoladi. Ammo bolalarning yarmida DEGB belgilari o‘smirlik va balog‘at yoshida davom etadi (ayniqsa, ular davolanmasa). Patologiya o‘ndan ortiq alomatlarga ega. Eng tez-tez uchraydigan holatlar — uzoq vaqt davomida diqqatni jamlay olmaslik, beparvolik, e’tiborsizlik, bezovtalik, jahldorlik va past xotira.