Jahon sog‘liqni saqlash tashkiloti KM Biologics kompaniyasining maymunchechakka (mpox) qarshi vaksinasini favqulodda vaziyatlarda foydalanish uchun ro‘yxatga kiritdi. Bu global sog‘liqni saqlash regulyatoridan ushbu kasallikka qarshi ruxsat olingan ikkinchi profilaktik preparat sanaladi.

JSST avgust oyida virusning Clade Ib deb nomlangan yangi varianti Kongo Demokratik Respublikasidan qo‘shni mamlakatlarga tarqalgandan keyin, ikki yil ichida ikkinchi marta maymunchechak epidemiyasini global favqulodda holat deb e’lon qildi.

Vaksina Yaponiyada oldingi mpox epidemiyalari paytida ishlatilgan va xavfsiz hamda samarali ekanligi ko‘rsatilgan, shu jumladan OIV bilan kasallangan odamlarda ham. JSST ma’lum qilishicha, Yaponiya hukumati Kongoga 3,05 million vaksina dozasini maxsus ignalar bilan birga beradi.

Oxirgi ma’lumotlarga ko‘ra, bu yil Afrikada 50 500 dan ortiq tasdiqlangan va mpox ga shubha qilingan holatlar va 1,100 dan ortiq o‘lim holatlari qayd etilgan.