Ertaga soat 10:00 da Toshkent shahar sudida Dok-1 Maks” boʻyicha 21 nafar shaxsga ochilgan jinoyat ishi koʻrib chiqiladi.

Jinoyat ishini koʻrib chiqish boʻyicha ochiq sud jarayonlari ertaga, 11-avgust kuni soat 10:00 da Toshkent shahar sudida boshlanadi.

Ish doirasida:

• S. R. P. (erkak, 1972-yilda Hindistonda tugʻilgan, “Quramax Medikal” MCHJ direktori),
• S. K (1982-yilda Toshkent shahrida tugʻilgan, bir vaqtda Farmatsevtika tarmogʻini rivojlantirish agentligi direktori va uning huzuridagi “Dori vositalari, tibbiy buyumlar va tibbiy texnika ekspertizasi va standartlashtirish davlat markazi” DUK direktori lavozimlarida ishlagan),
• va boshqalarga (jami 21 kishi: “Quramax Medikal” MCHJ va “Dori vositalari, tibbiy buyumlar va tibbiy texnika ekspertizasi va standartlashtirish davlat markazi” DUK masʼul xodimlari) ayblov eʼlon qilingan.

Ayblanuvchilarning 16 nafari erkak va 5 nafari ayol boʻlib, ularning 7 tasiga “qamoqqa olish”, 12 tasiga “munosib xulq-atvorda boʻlish toʻgʻrisida tilxat” va 2 tasiga “garov” tarzidagi ehtiyot choralari qoʻllanilgan.

Tasdiqlangan ayblov xulosasiga koʻra sodir etilgan jinoyatlar oqibatida 65 nafar yosh bola vafot etgan.