Olimlar invaziv muolajalar paytida virusli gepatitning parenteral yuqish xavfini oʼrganib chiqishdi
Invaziv muolajalar orqali virusli gepatit V bilan kassalanish ehtimoli oʼrtacha ikki baravar, virusli gepatit C bilan esa besh baravar yuqoridir. Gepatit V ning eng yuqori xavfi ginekologik va otorinolaringologik aralashuvlardan soʼng, gepatit C — neyroxirurgik va otolaringologik operatsiyalardan keyin kelib chiqishi aniqlandi.
Rim shahridagi Sapiyenza universiteti va Italiya sogʼliqni saqlash instituti olimlari turli turdagi invaziv muolajalarning oʼtkir virusli gepatit V yoki C rivojlanish xavfiga taʼsirini oʼrganishdi. Tadqiqot natijalari Journal of Hepatology jurnalida chop etilgan.
Gepatit А bilan solishtirganda, invaziv muolajalardan soʼng gepatit V rivojlanish xavfi oʼrtacha ikki baravar, gepatit C ni rivojlanish ehtimoli esa besh baravar yuqori boʼlgan. Koʼpincha gepatit V ginekologik jarrohlik aralashuvlardan (xavf 5,19 baravar), otorinolaringologik operatsiyalardan (3,78 baravarga) va torakal jarrohlikdan (3,52 baravar) keyin kelib chiqqan.
Virusli gepatit C rivojlanish ehtimoli neyroxirurgik aralashuvlardan keyin 11,88 marta, otorinolaringologik operatsiyalardan keyin 11,54 marta va qon tomir jarrohlikdan keyin 9,52 marta oshgan. Bundan tashqari, virusli gepatit C ning rivojlanishi oftalьmologik aralashuvlar bilan ham bogʼliq (xavf 8,32 marta oshdi). Bioptsiya va endoskopik muolajalar gepatit C xavfini 3,84 baravarga va gepatit V ni 1,48 martaga oshirgan.
Italiyaning oʼtkir virusli gepatiti SEIEVA monitoringi tizimidan olingan maʼlumotlar tahlil qilindi va oʼtkir virusli gepatit V va C rivojlanishi bilan potentsial xavf omillari, shu jumladan jarrohlik aralashuvlar va diagnostika yoki terapevtik muolajalar oʼrtasidagi munosabat oʼrganildi. Hammasi boʼlib, 8176 oʼtkir gepatit V va 2179 oʼtkir gepatit C holatlari aniqlangan.
Tadqiqotchilar gepatit viruslarini tibbiy xodimlar yoki muolajalar orqali tarqalishini nazorat qilish uchun sogʼliqni saqlash muassasalarida, shu jumladan minimal invaziv jarrohlikda umumiy ehtiyot choralariga rioya qilish muhimligini taʼkidlashdi.
Shuningdek, olimlar xavfni kamaytirish uchun tibbiy asboblarni sterilizatsiya qilish va qayta ishlashning samarali usullaridan foydalanishni, xodimlarni jarrohlik amaliyotining xavfsizlik qoidalariga qoʼshimcha oʼqitishni taklif qildi. Bundan tashqari, gepatit V ga qarshi emlashni kengaytirish, virusli gepatit C uchun samarali terapiyani tanlash hamda bolalar va kasallanish xavfi yuqori boʼlgan shaxslar orasida gepatit C skriningini oʼtkazish kerak.
