Yangiliklar

not found

Roche diabetik distressni yengillashtiradigan mobil ilovani ishlab chiqdi

Maʼlumotlarga koʼra, 1 va 2-toifa diabet bilan ogʼrigan bemorlarning taxminan 35 foizida diabetik distress darajasi yuqori. Diabetik distress — bu umidsizlik, tushkunlik va charchoq hissi bilan birga keladigan oʼziga xos hissiy reaktsiya. Bu har doim ham patologiya emas, lekin agar u yuqori darajada kuzatilsa, unga aylanishi mumkin. Bundan tashqari, diabetik distress davolanishning muvaffaqiyatiga salbiy taʼsir qilishi mumkin. Raqamli sogʼliqni saqlash vositalari diabetik distressni bir necha usullar bilan yengillashtirishi mumkin: glyukoza darajasini kuzatish va klinik maʼlumotlarni sharhlashni osonlashtirish, shifokor bilan motivatsion aloqani taʼminlash va maqsad koʼrsatkichlariga erishishda ijobiy qoʼllab-quvvatldash. Shunday vositalardan biri Roche kompaniyasiga tegishli mySugr ilovasi. Ushbu dasturning pro versiyasi yaqinda 400 ga yaqin bemorni qamrab olgan klinik sinovda tekshirild. Sinovda 1-toifa, 2-toifa, shuningdek homilador boʼlgan qandli diabet bilan kasallangan bemorlar qamrab olindi. Ishtirokchilardan kunlik qondagi glyukoza miqdorini oʼlchash va natijalarni ilovaga kiritish soʼralgan. Ishtirokchilarning ahvolini baholash uchun odatda diabet bilan ogʼrigan bemorlarda depressiv buzilishlar dinamikasini baholash uchun qoʼllaniladigan PAID (Problem Areas in Diabetes Scale-Qandli diabet muammoli hududlar shkalasi ) diagnostik shkalasi qoʼllanildi. Ilova klinik tadqiqot va undan keyingi 12 haftalik kuzatuvda qandli diabet bilan ogʼrigan bemorlarda psixologik holatini yaxshilanishini koʼrsatdi (garchi u glikemik nazoratni yaxshilamagan boʼlsa ham). Tadqiqotchilar bemorlarning ilovadan qoniqish darajasi yuqori ekanligini qayd etishdi, chunki undan sinov kunlarining 93 foizida koʼrsatmalarga muvofiq foydalanildi.

  • 11 Oktyabr, 12:11
  • Batafsil
not found

Teriga qarab yurak xastaligini aniqlash usuli ishlab chiqildi

Rossiyada teriga qarab yurak xastaligini aniqlash usuli ishlab chiqildi. Dunyoda birinchi boʼlib, surunkali yurak yetishmovchiligini inson organizmiga aralashmasdan aniqlash usuli Samara universiteti olimlari tomonidan ishlab chiqildi, deb xabar berdi universitet matbuot xizmati. Tadqiqot natijalari Journal of Biophotonics jurnalida chop etildi. JSST statistik maʼlumotlariga koʼra, har yili dunyoda 20 millionga yaqin odam yurak-qon tomir kasalliklaridan vafot etadi va bu oʼlimning eng keng tarqalgan sababidir. Ushbu kasalliklar orasida surunkali yurak yetishmovchiligi mavjud boʼlib, bunda tananing qon va toʼqimalari kislorod bilan toʼliq toʼyinmaydi. Surunkali yurak yetishmovchiligining dastlabki bosqichi alomatlarsiz sodir boʼladi. Kasallikka koʼpincha faqat ogʼir shakllarda tashxis qoʼyiladi. Shu bois, kasallikni erta tashxislash tizimlarini ishlab chiqish bugungi kunda ilmiy -tibbiy tadqiqotlarning ustuvor yoʼnalishlaridan biridir. Samara universiteti olimlari hamkasblari bilan birgalikda optik usul yordamida surunkali yurak yetishmovchiligi mavjudligini aniqlash imkonini beruvchi sensorni ishlab chiqdilar. Olimlar klinik tadqiqotlar davomida inson terisidan olingan noyob spektrdagi oʼzgarishlar surunkali yurak yetishmovchiligini ishonchli tasxislash imkonini berishini aniqladilar “Biz bemorning bilagining ichki qismiga lazer qoʼydik. Teri ichiga kirib, radiatsiya uning toʼqimalari bilan oʼzaro taʼsir qildi va ularning tarkibiga qarab energiyasini oʼzgartirdi. Biz ushbu oʼzgarishlarni maxsus zond yordamida qayd etdik va har bir bemor uchun uning terisining spektral profilini aniqladik, bu barmoq izi kabi noyobdir. Keyinchalik, qurilmani oʼrganish usullaridan foydalangan holda, surunkali yurak yetishmovchiligi boʼlgan va boʼlmagan bemorlarning terining barcha spektral profillari solishtirildi va tahlil qilindi.", - dedi Samara universiteti Lazer va biotexnologik tizimlar kafedrasi "Fotonika" ilmiy-tadqiqot laboratoriyasining kichik ilmiy xodimi Yuliya Xristoforova. Uning taʼkidlashicha, optik diagnostika usullari bugungi kunda fanning turli sohalarida – geologiyadan tortib aviatsiya sanoatigacha keng rivojlanmoqda. Shu bilan birga, ular tibbiyotda alohida ahamiyatga ega boʼldi, chunki ular tashxis qoʼyilgan kasalliklar doirasini sezilarli darajada kengaytiradi, diagnostika jarayonining narxini pasaytiradi. Samara universiteti olimlari va ularning hamkasblarininn fikriga koʼra, ular tomonidan taklif etilgan diagnostika usuli, mavjud usullardan foydalanishni istisno etmaydi, ammo uni yanada takomillashtirish bilan tahlilning aniqligini oshirishi, tibbiyotning turli sohalari mutaxassislariga kasalliklarni aniqlashda, ularning borishini baholash va optimal davolash usullarini aniqlashda yordam berishi mumkin. Kelgusida jamoa klinik sinovlarga koʼproq bemorlarni qamrab olish va ishlab chiqilgan usul yordamida tahlilning aniqligini oshirish uchun tadqiqotni kengaytirishni rejalashtirmoqda.

  • 11 Oktyabr, 09:01
  • Batafsil
Нажмите на кнопку ниже, чтобы прослушать текст Powered by GSpeech