Фармацевтика гиганти ребрендингни бошлади: у 136 ёшли курсив логотипдан воз кечиб, Janssen фармкомпанияси номини ўзгартирмоқда.

Medical Design & Outsourcing компанияси бош директори Ҳоакин Дуатонинг LinkedIn постига таянган ҳолда хабар беришича, компания ҳаммуассиси Жеймс Вуд Жонсон имзоси асосидаги 136 йиллик логотипини “замонавийроқ логотип ва ёрқинроқ қизил рангга алмаштирди ва шу билан бирга, рамзий амперсандини (&) сақлаб қолди".

Компания раҳбарининг сўзларига кўра, ушбу ўзгариш Johnson & Johnson компаниясининг инновацион дори воситалари ва тиббий технологияларга эътибор қаратаётганини таъкидлаш учун қаратилган.
Шу билан бирга, Janssen номли Johnson & Johnsonга қарашли фармацевтика компанияси бундан буён Johnson & Johnson Innovatsion Medicine сифатида ишлайди.

“Битта рамзий номнинг кучи жуда катта. Бутун дунё бўйлаб беморлар, шифокорлар, ҳамширалар ва инвесторлар Жоҳнсон & Жоҳнсон компаниясини соғлиқни сақлаш соҳасидаги енг мураккаб муаммоларга ечим топиш қобилияти учун тан олишган. Бизнинг ҳаёт ҳақидаги фанлар ва тиббий технологияларга бўлган эксклюзив эътиборимиз бизга соғлиқни сақлашнинг бутун спектри бўйлаб, ҳужайра терапиясидан тортиб, сунъий интеллектни қўллаб-қувватлайдиган роботли жарроҳликгача ҳеч қандай компания қила олмайдиган тарзда инновациялар киритиш имконини беради”, деди Дуато.

Қадимги Johnson & Johnson логотипи 1887 йилда пайдо бўлган бўлиб, тарихдаги энг қадимги корпоратив логотиплардан бири деб ҳисобланади.