Issiq havoda organizm vitaminlarga boy ovqatlarga muhtoj. Bu haqda ovqatlanish boʻyicha mutaxassis Kamil Vildanov maʼlumot berdi. 

"Yozgi jaziramada ovqatlanishning birinchi qoidasi ratsionga tabiiy antioksidantlarni qoʻshishdir, masalan, C va Ye vitaminlari. Ular hujayralarni yuqori harorat tufayli yuzaga keladigan oksidlovchi stressdan himoya qilishga yordam beradi", dedi mutaxassis.

Uning soʻzlariga koʻra, V vitaminlari energiya berish va oʻzini yaxshi his qilishda ham muhim rol oʻynaydi. Mutaxassis yetarli miqdorda suv ichish muhimligini  ham taʼkidladi. Bu gidratsiyani saqlab qolish uchun zarur boʻlgan asosiy element hisoblanadi va issiq havoda suv isteʼmolini sezilarli darajada oshirish kerak.

Ratsionga suvni oʻz ichiga olgan mahsulotlarni kiritish muhimdir. Ular orasida tarvuz, bodring va selderey birinchi oʻrinda turadi. Chia urugʻlari ham tanani namlash uchun foydalidir, shuningdek, kaliy va magniyga boy kokos suvi tanadagi elektrolitlar muvozanatini saqlashga yordam beradi.

"Oʻz ratsioningizga kam yogʻli yogurtni qoʻshishni unutmang; u sogʻlom ichak mikroflorasini saqlashga yordam beradi, juda koʻp suvni oʻz ichiga oladi va organizm tomonidan oson soʻriladi", - maslahat berdi ekspert.

Yalpiz tana haroratini yangilaydi va pasaytiradi, kinza tanani detoksifikatsiya qilishga yordam beradi. Qovoq va kabachka tanani S vitamini va kaliy bilan toʻydiradi.

“Ammo yozning eng muhim antioksidantlari yashil va zanjabil choyidir. Kofein mavjudligiga qaramay, yashil choyni issiq havoda va sovutilgan holatda isgan yaxshi. Zanjabil choyi ovqat hazm qilishni yaxshilashga yordam beradi va tetiklantiruvchi taʼsir koʻrsatadi», - deya xulosa qildi mutaxassis.