O‘zbekiston Respublikasi Sog‘liqni saqlash vazirligi “Farmatsevtika mahsulotlari xavfsizligini ta’minlash markazi” davlat muassasasi direktori A’zam Nartayevning aytishicha, farmatsevtika sohasida amaldagi barcha me’yoriy hujjatlar qayta ko‘rib chiqilishi rejalashtirilgan. Bu haqda u shu kunlarda Samarqandda bo‘lib o‘tayotgan IV Yevroosiyo farmatsevtika sammiti 2023 chog‘ida ma’lum qildi.

Nartayevning soʻzlariga koʻra, Oʻzbekistonda yil boshidan buyon oʻtkazilgan stress-testlar amaldagi meʼyoriy-huquqiy hujjatlarning zaifligini koʻrsatdi. 

“Biz mahalliy ishlab chiqaruvchilarni qo‘llab-quvvatlaymiz va investorlarning O‘zbekistonga kirib kelishi uchun qulay shart-sharoit yaratmoqchimiz. Lekin, ehtimol, har bir kishi amaldagi qoidalar haqida ko'p savollarga ega. Shu bois, bemorlarimizni sifatli dori vositalari bilan ta’minlash uchun biznes bilan munosabatlarda yondashuvlarni qayta ko‘rib chiqmoqchimiz”, — dedi A’zam Nartayev. 

Farmatsevtika mahsulotlari xavfsizligi markazi rahbari me’yoriy hujjatlarni o‘zgartirish jarayonida tashkilot imkon qadar ochiq bo‘lishini ta’kidladi va biznes vakillarini soha uchun shaffof qoidalar yaratish uchun konstruktiv muloqotga chaqirdi.