Novgorod davlat universitetining politexnika instituti olimlari mikroblarga qarshi idishlarni yaratdilar, unda kumush va mis ionlari yordamida toza suv olish mumkin. 

Ular kuchli mikroblarga qarshi, viruslarga qarshi va immunostimulyatsiya qiluvchi taʼsirga ega. Idishlar yuqumli va virusli kasalliklarning (jumladan, OʻRVI, gripp, COVID-19) oldini olish va davolashda yordam beradi.

"Mis mutlaqo muhim element hisoblanadi. Mikroblarga qarshi xususiyatiga qoʻshimcha ravishda, u immunostimulyator, antioksidant va yalligʻlanishga qarshi xususiyatlarga ega. Kumush esa 500 dan ortiq patogen mikroorganizmlar bilan mukammal kurashadi va immunomodulyator, bakteritsid, bakteriyalarga qarshi, viruslarga qarshi, zamburgʻlarga qarshi va antiseptik taʼsiri bilan mashhur. Bundan tashqari, kumush ionlari, masalan, penitsillin, biomitsin va boshqa antibiotiklarga qaraganda mikroblarga qarshi kuchli taʼsirga ega.  Bu shuni anglatadiki, bunday idishlarni, maʼlum darajada mikroblarga barqaror boʻlib borayotgan dori darmonlar bilan oʻrnini almashtirish mumkin“, dedi ishlanma muallifi Aleksandr Tixonov. 

Taklif etilayotgan idishning samaradorligi shundan iboratki, mis va kumush ionlari turli xil eritmalarni mikroblarga qarshi va regenerativ taʼsirini maksimal darajada qilib olish imkonini beradi. 

Idish butunlay mis bilan qoplangan, pastki va  pastki ichki yuzasiga kumush qoplama qoʻllaniladi. Keyin unga suyuqlik quyiladi va bakteritsid xususiyatga ega boʻlish uchun bir necha soat davomida qoldiriladi. Shunday qilib, ichimlik suvi 12-24 soat, limon kislotasi va mineral suv esa 1-2 soat davomida qoldiriladi. Shu tarzda siz taom tayyorlash uchun, ichimliklar, biologik faol qoʻshimcha, dori-darmonlar va kosmetika mahsulotlarini tayyorlash uchun toza eritma olishingiz mumkin. 

"Mikroblarga qarshi idishlar arzon narxga ega, shuning uchun ular nafaqat tibbiyot, farmakologiya, kosmetologiya, veterinariya, balki kundalik hayotda ham qoʻllanilishi mumkin.", dedi Tixonov.

Ayni paytda texnologiya patentlangan, idish-tovoq namunalari tayyorlangan, uni ishlab chiqarish va Novgorod korxonalari va tibbiyot muassasalarida joriy etish boʻyicha muzokaralar olib borilmoqda.