Tibbiy adabiyotda peshob haydovchi dorilar diuretiklar deb ataladi. Bu dori vositasi sanaladi va shifokor retseptisiz ishlatilmasligi kerak.

Ular klinik tadqiqotlar va protokollarda aniq belgilangan koʼrsatmalarga ega. Odatda, diuretiklar yurak va qon tomirlari kasalliklarini kompleks davolashda — xususan, arterial gipertenziya va surunkali yurak etishmovchiligida qoʼllaniladi.

Ortiqcha vaznli odamlarga ham baʼzida diuretiklar buyuriladi — lekin faqat yurak kasalliklari mavjud boʼlganda. Va bunday terapiyaning maqsadi vazn yoʼqotish emas, balki yurak-qon tomir tizimidagi yukni kamaytirish uchun ortiqcha suyuqlikni olib tashlashdir.

Nima uchun diuretiklar sogʼliq uchun xavfli?

Ortiqcha vaznga qarshi kurashda diuretiklar nafaqat foydasiz, balki xavfli hamdir. Chunki suyuqlik bilan birga hayotiy elementlar tanani tark etadi — birinchi navbatda natriy va kaliy tuzlari.

Kaliy esa boshqa narsalar qatorida, yurakning ishiga taʼsir qiladi. Аgar juda koʼp miqdorda kaliy yoʼqotilsa, oʼtkir yurak yetishmovchiligi rivojlanishi mumkin.

Shuning uchun, agar siz vazn yoʼqotmoqchi boʼlsangiz, haqiqatan ham samarali va xavfsiz vositalardan foydalanish yaxshiroqdir — lekin ularni shifokoringiz bilan birgalikda tanlashingiz kerak. Va shuningdek, ratsional ovqatlanish va yetarli jismoniy faoliyat haqida ham unutmang.